Пелистер имаше очаен старт по првите две кола во ВМФЛ во новата сезона, но затоа не престанува да се засилува, да го зголемува ростерот на тимот на Борче Христов. Па така од денеска ново име во битолскиот клуб е дефанзивецот Марко Стојилевски (20). Тој доаѓа од редовите на српскиот клуб Смедерево, а претходно играл за Брера, за Вардар, инаку потекнува од школата на нашиот најтрофеен клуб.
Станува збор за младински репрезентативец на Македонија, кој може да игра како стопер, но и како десен бек.
