По само неколку денови, Шкупи и Тиквеш одново ќе ги одмерат силите меѓусебе. Во саботата беше 1:0 за гостите од Чаир, а утре Шкупи ќе биде домаќин и тоа меч од 1/8 финалето во Купот на Македонија.
Математикита се јасни, кој ќе победи тој ќе оди во следната фаза од Купот на Македонија.
Фисник Зука, офанзивниот бек на чаирчани, во пресрет на овој меч за клупскиот сајт истакна…
“По многу важна победа за нас во Кавадарци, сега го чекаме Тиквеш на наш терен, на нашиот стадион. Секако дека ќе се бориме во текот на сите 90 минути за да победиме, за да се пласираме во следната фаза зошто нашите цели и во напреварување се јасни. Се стремиме да бидеме успешни на двата фронта, во првенството и во купот. Очекувам голема поддршка од “шверцерите“, од најдобрата навивачка група во Македонија“ изјави Зука.
