Фудбалерите на Наполи со победа ја затворија сезоната во Серија А лигата. Денеска на гостувањето кај Специја славеа со 3:0 во меч без резултатско значење.
Наполитанците сезоната ја завршија на третото место со 79 бодови. Специја е 16-та со 36 бодови и ќе остане во елитата без разлика на другите резултати.
Головите за Наполи денеска ги постигнаа Политано, Желински и Деме (сите во првото полувреме), а нашиот Елиф Елмас беше стартер и го одигра целиот меч за гостите.
