Во петок од 10 часот на стадионот “Лавови” во населбата Ѓорче Петров ќе започне премиерното издание на силниот меѓународен фудбалски турнир за играчи до 14 години Вардар Куп 2022, на кој учество ќе земат дел од најдобрите фудбалски академии и фудбалски брендови на балканот и пошироко, Црвена звезда и Партизан од Србија, Осијек од Хрватска, Лудогорец од Бугарија, СВ ДСО Зоетермеер од Холандија и секако домашната екипа на Вардар.
Официјалното отворање на турнирот е предвидено за два часа подоцна кога од 12 часот ќе се сретнат екипите на домашниот Вардар и Црвена звезда, натпревар кој ќе го отворат заедничките легенди на двата тима Дарко Панчев и Илија Најдовски. Турнирот ќе трае 3 дена, а завршните борби за трофеите се закажани за недела со почеток од 9 часот (натпревар за 5-то место), 11 часот (натпревар за трето место) и големото финале кое ќе започне од 13 часот.
Органзиаторите на турнирот ги покануваат сите љубители на фудбалот да присуствуваат на уникатната можност да проследат силни и кввлитетни натпревари за играчи до 14 годиншна возраст, со надеж дека токму на овој турнир ќе се родат идни фудбалски ѕвезди.
