Завршија сите попладневни натпревари од 2.коло во ПМФЛ. Работнички – А. Пандев 0:5, резултат кој звучи чудно, но сепак треба да се каже дека составот на Љупчо Марковски – Калц одигра очајно, посебно во одбраната. Не е оправдување ни тоа што не им беа покажани два чисти пенали. Струмичани едноставно одиграа како што треба да одигра квалитетен состав. Томовски, автогол на Јанакиевски и три гола на Крстевски, тоа беа стрелците на овој натпревар одигран на Арената во Скопје.
Шкендија во Струга, со голот на младиот Дашмир Елези водеше со 1:0 против Силекс, но Љамалари во 90.минута успеа да израмни на 1:1 и да ги шокира тетовци. Голем бод за кратовци.
Тиквеш со голот на Мишов дојде до три бода среде Прилеп, каде во убава атмосфера пред околу 5.000 гледачи се играше добар меч.
Силна е оваа Струга ТЛ. Со голот на Хоган Укпа во 87.минута четата на Срѓан Захариевски дојде до голема победа и тоа среде Штип со 0:1.
РЕЗУЛТАТИ ЗА 2.КОЛО
РАБОТНИЧКИ – А.ПАНДЕВ 0:5
(/Томовски 10., Јанакиевски (авт) 24., Крстевски 44., 52., 90.)
ШКЕНДИЈА – СИЛЕКС 1:1
(Елези 17./Љамалари 90.)
ПОБЕДА – ТИКВЕШ 0:1
(/Мишов 45.)
БРЕГАЛНИЦА – СТРУГА ТЛ 0:1
(Укпа 87.)
ВЧЕРА:
ШКУПИ – МАКЕДОНИЈА ЃП 2:1
(Трапановски 67., Реналдо 70/Скендери 87/)
СКОПЈЕ (слободен)
