Со победата против Карлос Алкараз, Данил Медведев се пласираше во финалето на УС Опен каде ќе игра против Новак Ѓоковиќ. Третиот носител на УС Опен го победи бранителот на титулата и прв носител Карлос Алкараз со 3-1. Рускиот тенисер против Новак има пет победи во 15 пресметки, но и триумф во последниот дуел.
Медведев одигра одличен меч против Алкараз и против големиот број навивачи кои постојано го бодреа Шпанецот. Токму по мечот, Русинот зборуваше за нив.
„Публиката денеска беше неверојатна, навистина неверпјатна. Единствен проблем беа 1000-те Шпанци кои почнаа да викаат помеѓу мојот прв и втор сервис при 5:3 во четвртиот сет. Тоа не беше убаво, но претспоставува дека беа очајни. Мило ми е што не им помогна тоа. Сега можат да одат да спијат“, рече Медведев.
Daniil Medvedev is hopeful a few fans go to sleep now 😅 pic.twitter.com/uy2kzK9DTH
— US Open Tennis (@usopen) September 9, 2023
