Македонската тенисерка Лина Ѓорческа не успеа да се пласира во финалето на ИТФ фјучерсот во Ираклион, Грција. Нашата најдобра тенисерка загуби од Русинката Екатерина Макарова со 2-0. Во првиот сет беше неизвесно, се решаваше во тај-брејкот и на крајот Русинката беше поуспешна.
Во вториот сет нашата тенисерка не успее да го следи темпото што го наметна противничката и го загуби со 3-6 и со тоа и мечот.
Во финалето ќе играат Макарова и чешката тенисерка Фрухвиртова, која е прва носителка на турнирот и која во другото полуфинале со 6-3 и 6-3 ја совлада Ромеро Гормаз од Шпанија.
