Кошаркарите на МЗТ Скопје Аеродром поведоа со 1-0 во полуфиналната серија од плеј-офот против ТФТ, откако во мошне возбудлив, изедначен и неизвесен меч, беа за нијанса подобар ривал од „предизвикувачот“ во оваа серија.
„Штрковите“ славеа со 79:77, но ТФТ покажа дека може да биде исклучително незгоден ривал. Во воведната четвртина, „сино-белите“ успеаја да направат предност од четири поени (22:18), а ритамот на игра гоз адржаа до крајот на полувремето во кое отудоа со предност од 41:35.
Вториот дел иако МЗТ Скопје А. го отврори со предност, упорните гости со неколку одлични поени во серија дојдоа и до егал – 55:55. Неизвесноста продолжи и во последниот период каде во завршните три минути се влезе со резултат 70:70. Кога беше најпотребно, Војдан Стојановски погоди тројка, за последната минута од првото полуфинале да стартува со 77:74, а до крајот ТФТ успеа да намали, но не и да се избори за продолженија.
Браќата Војдан и Дамјан Стојановски заедно постигнаа 31 поен, а одлични беа и Танасковиќ и Делалиќ со по 15. Кај ТФТ, Ташовски со 24 поени беше прв поентер.
