Шкендија објави дека Нуман Ајети повеќе нема да биде дел од црвено-црниот дрес.
„Левиот бек и клубот одлучија дека е вистинско време да се разделат. Клубот ја ценеше желбата на играчот да бара нова средина, каде што ќе му биде загарантиран повеќе простор за играње и продолжување на развојот на својата кариера.
Му се заблагодаруваме на Нуман за неговиот придонес, професионализам и посветеност покажани во црвено-црниот дрес, посакувајќи му многу успех и се најдобро во продолжението на неговата кариера“, се вели во соопштението на тетовскиот тим.
