Ништо ново за нас, ама гостите од Шкотска, посебно за претставниците на медиумите во таа земја кои се дојдени во Македонија, во Скопје, за вечерашниот меч Шкендија – Хиберниан секако изненадување, па и шок од она што го виделе во главниот град на нашата држава, барем според нивните изјави и коментари.
А, еве како новинарот на edinburghnews.scotsman.com, го виде Скопје:
“На Хиберниан му е потребен монументален европски настап во град со „повеќе статуи отколку луѓе“, бидејќи историјата повикува. Скопје е град опседнат со историјата, неговите херои врежани во мермер и бронза во практично секој достапен агол од јавниот простор. Навивачите на Хибс, кои маршираат во бројни места на родното место на Александар Велики, легендарниот воин овековечен во неколку огромни статуи што доминираат на хоризонтот, сигурно би сакале да ги видат своите херои како се претвораат во монументален настап тука вечерва. Влоговите се високи колку и самиот врв на скулптурата „Воин на коњ“ поставена на средината на плоштадот „Македонија“. Како што би очекувале за реваншот од натпреварот што значи толку многу за двата клуба, има огромна количина возбуда, енергија и, да, неизвесност околу вечервашната средба со КФ Шкендија“.
