По двата порази на стартот од Европското првенство, македонската одбојкарска репрезентација денеска има слободен ден во Софија. Избраниците на Јошко Миленкоски загубија од Бугарија и Украина со максимални 3:0, па денот без натпревар ќе биде можност за одмор и подготовка за следниот предизвик.
Утре Македонија ќе се соочи со актуелниот европски шампион Полска. Полјаците се апсолутен фаворит не само во овој меч, туку и за највисок пласман на турнирот, а во првото коло убедливо со 3:0 ја совладаа Португалија.
Пред утрешниот дуел со Македонија, Полска денеска ќе има нов тест против Израел. Израелците на стартот загубија од Украина со 1:3, па ќе се обидат да направат изненадување против еден од главните фаворити за титулата. За Македонија, пак, фокусот е на утрешниот меч со Полска. Иако разликата во квалитет е голема, македонските одбојкари ќе имаат можност да одиграат против една од најдобрите европски селекции и да покажат реакција по двата почетни порази.
ДЕНЕСКА НА ЕВРОВОЛЕЈ 26:
- 14:00 – Данска – Холандија
- 15:00 – Полска – Израел
- 16:00 – Франција – Турција
- 16:00 – Шведска – Чешка
- 17:00 – Белгија – Финска
- 18:00 – Бугарија – Украина
- 19:00 – Романија – Германија
- 21:05 – Грција – Италија
