Шампионот МЗТ Скопје А. на најдобар можен начин се врати на победничките патеки по заминувањето на тренерот Васко Атанасов. На попладневното дерби во „Јане- Сандански“, „штрковите“ остварија победа над битолскиот состав со 74-60.
„Металците“ одиграа доволно сигурно за да стигнат до триумф против битолчани и да ги освојат бодовите на домашен терен.
Лука Стојановски беше најефикасен во победничкиот состав со 18 поени, седум скока и една асистенција. Во одлично издание беше и Војдан Стојановски со 13 поени, седум скока и три асистенции, додека кај Пелистер, Благој Димитриев постигна 12 поени, а Алонзо Денинг и Никола Кочовиќ завршија со по 10 поени.
