Македонскиот репрезентативец Влатко Стојановски, по една година како позајмен играч во Шамбли се врати во Ним и веднаш почна да ги тресе противничките мрежи. Имено на денешниот пријателски меч меѓу Ним и Ајачио, Македонецот со гол во 85.минута му донесе триумф од 1:0 на својот тим.
Инаку Ним во сезоната 2021/22 ќе игра во Втората лига на Франција, се разбира со Стојановски во нападот. Првиот меч Ним ќе го игра на 24 јули, ќе и гостува на Бастија.
