Не паметиме наназад две години, од како Струга ТЛ е неприкосновена во мак – фудбалот, така да биде надиграна како денеска на Маџари, и тоа од Вардар. Вардар победи со 1:0, ама реално требаше да биде 4:1, ако не и повеќе. Силен е овој Вардар, посебно во второто полувреме кога само голманот на гостите спаси барем три зицери.
Сега веќе нема дилеми, опстанокот е реалност, сега Вардар е осми на табелата и тоа пред Работнички, Воска, Македонија ЃП и Брегалница. Се разбира дека ништо уште не е готово, но ако Вардар игра вака како што одигра денеска, нема да има проблем да се дојде до целта.
Инаку денеска на Маџари уште еден спектакл од “Комитите“, кореографија за паметење и победа за паметење.
Во продолжение можете да ја видите табелата по 26.коло:
Струга ТЛ 54, Шкупи 51, Шкендија 49, Силекс 37, Тиквеш 36, Гостивар 33, Брера 30, Вардар 29,Работнички 28, Воска 28, Македонија ЃП 25, Брегалница 25…
