Масимилијано Алегри проговори по победата на Јувентус од 1:0 против екипата на Аталанта во финалето на турнирот во Купот на Италија, кој „старата дама“ го освои по 15-ти пат во својата историја.
Ова веројатно беше последниот трофеј што Алегри го освои со Јувентус. Првиот мандат на клупата на тој тим го отслужи од 2014 до 2019 година, а потоа се врати во 2021. Клубот е во резултатска криза, го загуби приматот во Серија А и разделбата е на повидок, пренесуваат италијанските медиуми. Алегри како тренер на Јуве освои 12 трофеи.
Тој по едно несогласување со судиите го соблече сакото, па потоа урлаше. Откако беше исклучен ја тргна вратоврската и почна да ја откопчува и кошулата.
Una sceneggiata per prendersi la scena e sottolineare che alla fine, nonostante le critiche, continua a vincere (di corto muso).
Personaggi come #Allegri prima spariscono e meglio è per il calcio e la cultura dello Sport. Persino peggio di #AlBano.#CoppaItalia #JuventusAtalanta pic.twitter.com/Rxb3jiUHdG— Angelo Forgione ✒️ (@angelo_forgione) May 15, 2024
„Јувентус победи и ништо друго не е важно. Многу сум среќен за момците, тие го направија клубот, навивачите и мене среќни. Победата никогаш не е лесна, но тоа е во ДНК на Јувентус, па ако јас не бидам тренер на тимот следната сезона, ќе оставам зад себе силен тим. Клубот наскоро ќе донесе одлука за мојата иднина. Освојувањето на Купот на Италија е тимски успех. Не беше лесно. Кога си во голем клуб, нормално е да те критикуваат. Следните три месеци се важни за развојот на момците и за тоа што ќе се случува во Јувентус во иднина“, изјави Алегри.
Max Allegri dropped the biggest hint yet that he knows Juventus will fire him even after winning the Coppa Italia against Atalanta. ‘The club has the right to make its evaluations’ https://t.co/KIP7u7zSrF #Juventus #AtalantaJuve #CoppaItalia #CoppaItaliaFrecciarossa #Allegri
— Football Italia (@footballitalia) May 15, 2024
