Денеска од 17 часот на Арената “Тодор Проески“ во Скопје, ќе се одигра натпреварот од 3.коло во ПМФЛ меѓу Работнички и Струга Трим Лум. Секако дека ќе биде интересно, ако се знае дека на “романтичарите“ никако не им оди против составот на стружани, но исто така интересно ќе биде и поради фактот дека дефанзивецот на Работнички, Алекксандар Ристевски – Егри ќе игра против својот довчерашен тим. Ристевски минатата сезона беше еден од најдобрите во редовите на Струга ТЛ која оствари историски пласман во Европа, но сега е еден од столбовите на играта на клубот од Градски парк.
Па, токму со неговиот гол против Борец, во меч од 1.коло во ПМФЛ, Работнички успеа да победи.
