Новата сезона во Формула 1 започна во Мелбурн, а првата трка годинава на Алберт Парк донесе дождливи услови и многу возбуда до самиот крај. Сепак, по 57 круга победата му припадна на Ландо Норис. Британецот најдобро се снајде во силните дождови на Алберт Парк и ја забележа првата победа во новата сезона.
На подиумот му се придружија Макс Верстапен на второто место, а Џорџ Расел на третото место.
Додека брилијантниот Алекс Албон заврши на четвртото место во Вилијамс, кога е во прашање првата трка на Ферари и Луис Хамилтон со црвениот болид, дефинитивно ќе биде заборавена бидејќи Британецот заврши само на 10-то место.
Race 1 ✅
Here’s the finishing order from a wild season opener, kicking off with the top ten 👇#F1 #AusGP pic.twitter.com/vXKDv29as6
— Formula 1 (@F1) March 16, 2025
Ова беше хаотична трка која само 14 од 20 возачи успеаја да ја завршат, а бројните вртења предизвикаа трипати да се активира безбедносното возило. Дополнително на сето ова, дождот донесе пресврти, а сè кулминираше со нешто повеќе од десет круга до крајот, кога на патеката се спушти силен дожд и донесе големи промени во поредокот.
Норис имаше пол-позиција и имаше доминантно водство во поголемиот дел од трката. Верстапен се пресели на второто место пред Оскар Пјастра по стартот, но во 17. круг направи некарактеристична грешка и Пјастра ја врати позицијата.
На средина на трката се чинеше дека можеби гледаме дуел помеѓу два Мекларен за првото место, но Норис на крајот успеа да се повлече од Пјастра. Нов пресврт дојде кога Фернандо Алонсо излета во 34-от круг, што возачите го искористија за да се префрлат на суви гуми во услови на безбедносно возило.
На вакви гуми беа извозени само десетина круга, ако се земе предвид дека во 44-та започна силен дожд. Оскар Пјастра не се снајде најдобро во вакви услови, направи голема грешка, tој на крајот заврши на деветтото место.
Во тие моменти, тие решија да се коцкаат во Ред Бул и да го остават Верстапен на патеката подолго од повеќето други возачи, што резултираше со водство на Холанѓанецот. Сепак, тој мораше да влезе во бокс уште во следниот круг, додека Ферари продолжија да ризикуваат и ги оставија своите возачи на патеката.
Луис Хамилтон накратко поведе, но тактиката на Ферари не вроди со плод бидејќи не можеше да се вози на суви гуми. Ферари имаа малку среќа бидејќи Лосон предизвика повторно излегување на безбедносното возило, па Леклер и Хамилтон сепак успеаја да ги променат гумите за време на безбедносното возило и со тоа останаа во кругот на победниците на поени, но на разочарувачкото осмо и десетто место.
Во последниот круг од трката, Верстапен беше веднаш зад Норис и користеше ДРС за сериозно да му се закани во неколку наврати, но возачот на Мекларен го издржа притисокот и ја освои победата на отворањето на сезоната.
