Новиот прволигаш Пелистер Волеј од Битола денеска официјализира уште едно засилување за наредната сезона. Станува збор за репрезентативката Симона Стојановска која ќе биде засилување на позицијата среден блокер.
„Она што е сон на секој клуб кога гради победнички тим е во своите редови да донеси некои од најдобрите свои домашни играчи. Станува збор за една од најискусните одбојкарки со богата играчка кариера и долгогодишна репрезентативка на Македонија со огромни успеси зад своето име“, соопштија од Пелистер Волеј.
Симона се враќа во својот матичен клуб откако во послендите неколку сезони го носеше дресот на шампионот Јанта Волеј КВ.
