Денеска Вардар во рамките од претпоследното коло од есенскиот дел од ПМФЛ шампионатот, на свој терен на комплексот Петар Милошевски во Скопје, со високи и убедливи 6:1 го совлада градскиот ривал Шкупи.
Меч во кој тоталната доминација на домаќинот беше наградена од полните трибини на комплексот во населбата Ново Лисиче.
Популарните Комити направија вистинска фешта денеска, што со кореографија што со сценскиот настап кој што е лекција за многумина како се бодри сопствениот клуб.
Оние кои што долго време стоеа на браникот на клубот, кога многумина се откажаа од него, денеска промовираа нова песна која ја одсликува борбата и страдањата на ФК Вардар во изминатиот период.
„Како феникс од пепелта до врвот“…. гласат дел од стиховите на Комити кои беспоштедно со години се бореа за својот омилен клуб… „повторно да биде прво место“… и успеаа во тоа.
