Џанлука Роки во свое време беше еден од најдобрите судии во Европа. Италијанецот беше главен судија на Суперкупот 2017 во Скопје меѓу Реал Мадрид и Манчестер Јунајтед, и судеше на Македонија со Полска во Скопје, и токму тој Роки е вмешан во голема скандал. Медиумите во Италија пренесуваат дека Роки е под истрага на Јавното обвинителство поради тоа што како функционер правел притисок врз судиите да ги менуваат ВАР одлуките во Серија А.
Откако ја заврши кариерата во 2020 година, Џанлука Роки се вработи во Италијанската фудбалска асоцијација. Тој беше задолжен за избор на судии за натпреварите од двата најсилни ранга на италијанскиот фудбал, но се чини дека ја искористил позицијата за да влијае на резултатите од натпреварите.
Обвинителството во Милано, предводено од Маурицио Аскионе, започна истрага против 52-годишниот Роки за криминално заговарање и учество во спортски измами. Според извештаите, тој имал директно влијание врз судиите во ВАР собата во последните две години.
Информациите за одредени натпревари на кои Роки имал влијание, исто така, станаа јавни. Натпревар на 1 март 2025 година помеѓу Удинезе и Парма. Додека судиите Даниеле Патерна и Симоне Соца дебатираа дали станува збор за пенал со речиси сигурна одлука натпреварот да продолжи без пенал, Роки станал од својата позиција, затропал на прозорецот од ВАР собата, а Патерна потоа се свртел и брзо се предомислил и рекол: „Тоа е пенал“.
Се претпоставува дека Роки реагирал и дека дошол во VAR собата за да влијае на одлуката на VAR собата. Исто така, Обвинителството истражува вмешаност на Роки во неуспехот на судискиот тим да го исклучи фудбалерот на Интер, Алесандро Бастони, на натпреварот на Интер против Верона во сезоната 2023/2024. Единственото прашање е уште колку натпревари се сомнителни. Роки го наруши угледот што го имаше и би можел да заврши зад решетки.
