Денеска во Охрид, во пријателски натпревар на стадионот Грашница, екипата на Воска Спорт со 2:0 го победи тимот на Братство, исто така второлигаш кој се натпреварува во источната конкуренција.
Иако со изменет состав, со цел тренерот Раде Цицмиловиќ, да ја провери формата на оние кои досега имаа релативно помала минутажа, Воска Спорт доминираше, создаде повеќе шанси, имаше и зицери. Стрелци на головите кај победничкиот тим беа Демири и Јахии, тоа беа два прекрасни голови за апсолутно заслужена победа на тимот од Охрид.
