Тиаго Алкантара и Фабињо се најдоа во групата на Ливерпул која патува кон Париз за претстојното финале во Лигата на шампионите против Реал Мадрид.
Двојката ќе биде меѓу играчите кои ќе се качат во авионот за француската престолнина, по повредите кои ги здобија на минатите натпревари. Лекарите наводно дале зелено светло за нивно вклучување во тимот.
Тиаго почна да тренира со тимот откако во саботата имаше повреда во првото полувреме против Вулверхемптон, а сличен случај имаше и Фабињо по мечот со Астон Вила на 10 мај.
Тимот на Јирген Клоп полета за Франција од аеродромот „Џон Ленон“ во Ливерпул и уште денеска ќе се аклиматизира во Париз.
