На големо изненадување на јаноста во Македонија предмалку наиде информацијата, или пак слободно може да се нарече шпеклуацијата која што ја пренесе турскиот тиражен медиум „Милијет“ а која вели дека тренерот на шампионот Шкупи, Гоце Седлоски е пред смена и дека неговиот наследник е тренер кој во моментов е дел од младинската школа на Фенербахче. Шкупи во моментов се наоѓа токму во Истанбул и се подготвува за настапот во квалификациите за Лигата на Шампионите, па во таборот на Чаирчани оваа шпекулација ја примаат единствено како провокација и ништо друго.
„Во деновите кога се подготвуваме за настап во квалификациските кола од ЛШ се случува обид да се наштети на клубот од одредени структури и “пријатели” на ФК Шкупи. Како директор на клубот најостро ги демантирам сите пишувања од Турски и домашни медиуми за наводни сценарија за смена на тренерот Седлоски. Овие удари силно не мотивираат и ни даваат енергија со која ќе бидеме уште посилни и уште поединствени. Нашите успеси може на некого му сметаат но тие не се случајни„ – изјавува за Спортмедиа еден од првите луѓе на ФК Шкупи, директорот Омер Буњаку.
