Победникот на Австралијан опен, 22-годишниот најдобар тенисер во светот Карлос Алкараз, нема да ја брани титулата на сала АТП 500 турнирот во Ротердам, кој започнува во сабота, објавија во понеделникот организаторите .
„По консултација со мојот тим морав да донесам тешка одлука да се повлечам од ABN AMRO Open. Потребно ми е повеќе време за да се опоравам по долгиот престој во Австралија. Разочаран сум што нема да можам да ја бранам минатогодишната титула. Минатата година прекрасно се чувствував во Ротердам и се надевам дека наскоро ќе се вратам“, порача Алкараз во официјалното соопштение.
Наместо Алкараз, во турнирот влезе Французот Џовани Мпетши Перикар, а улогата на прв носител ја презеде Германецот Александер Зверев, четвртиот тенисер на АТП-листата.
