Во неделата со голот во 90+2.минута на Компаоре на мечот со Брегалница, Струга ТЛ стана и есенски шампион. Ова посебно го израдува газдата на шампионот, Менди Ќира кој на свечената вечера им се обрати на играчите, стручниот штаб и раководството на клубот и им упати честитки за новиот успех.
Тој им вети уште подобри услови во следната 2024 година и ги повика сите во пролетниот дел да бидат уште подобри да се дојде до втората титула шампион на Македонија.
