Шкендија ќе ја започне сезоната 2026/27 во домашната фудбалска елита со два домашни натпревари на теренот на Комплексот на Фудбалската федерација на Македонија во Скопје.
Иако поради реконструкцијата на стадионот во Тетово, клубот го претстави стадионот во Гостивар како домашен терен за новата сезона, одлуката за одржување на првите два натпревари во Скопје е поврзана со дисциплинската мерка изречена по финалето на последното издание на Купот. Првично, Шкендија доби суспензија на четири натпревари без присуство на публика во својство на домашен тим, додека по жалбената постапка оваа казна беше намалена на два натпревари.
Поради оваа причина, клубот одлучи да ги одржи овие два натпревари во Скопје, каде што игралиштето е многу подобро.
Новата сезона ќе биде отворена во недела, 26 јули, со натпреварот против Скопје, кој започнува во 19:00 часот, додека натпреварот од третото коло против Брегалница, закажан за 15 август, ќе се игра на истиот стадион.
По завршувањето на овие два натпревари, Шкендија ќе продолжи да ги игра домашните натпревари на стадионот во Гостивар, според планот направен за новата сезона.
Во меѓувреме, тимот се врати синоќа од Словенија, каде што се соочи со НК Браво во првиот натпревар од второто квалификациско коло на Конференциската лига на УЕФА, и сега е целосно фокусиран на неделниот предизвик против Скопје, кој воедно го означува и почетокот на новото домашно првенство.
За постетување Шкендија ќе игра против Браво во Скопје, а ќе биде гостин на Вардар исто во главниот град.
