Кога ќе се видат двојките од 1.коло во ВМФЛ за сезоната 2026/27, малку ни е чудно. Гледаме дека еден Работнички е во оваа конкуренција, клуб кој е некогашн гигант, клуб кој има 8 титули во ПМФЛ и во Купот на Македонија. Клб кој после Вардар и Шкендија, важи или важел за клуб со најголемо реноме во мак – фудбалот.
Сепак времињата се менуваат, овој клуб во претстојната сезона е во друштво на второлигаши. Ако е за утеха, тука со него се и Пелистер, Македонија ЃП, Шкупи, Брера…
Инаку утре од 17 часот Работнички предводен од новиот тренер Баже Јанакиевски на стадионот во Маџари се среќава со Кожув во меч од 1.коло.
Кога сме кај тимот, од клубот информираат ангажирале десет нови играчи, а до крајот на летниот преоден рок, би можел да дојде уште некој.
Ова се новите имиња:
Дамјан Спасовски, Андреј Кудијан, Христијан Пецов, Виктор Серафимовски, Христијан Митровски, Христијан Поп-Антоски, Давид Манасиевски, Александар Богданоски, Амар Хаџибулиќ, Мартин Мисердовски.
