Екипата на Арсими денеска во Гостивар пред своите навивачи ќе се обиде повторно да го изненади шампионот Шкендија во натпревар од 14. коло на Првата фудбалска лига. Овој првенствен дуел претставува значаен момент за текот на сезоната, привлекувајќи големо внимание кај навивачите и спортската јавност. Се очекуваат 90 минути високо натпреварувачки фудбал, коректна игра и максимална ангажираност од двете екипи.
Еден од најдобрите фудбалери на Арсими, Џезеир Абдули, во својата изјава говори со голема почит кон противникот:
“Пред се, сакам да нагласам дека имаме голема почит кон Шкендија. Станува збор за клуб со традиција и континуитет, и им посакувам многу успеси и на меѓународната сцена. Сепак, ние сме Арсими и се бориме за секој бод. Свесни сме за важноста на секој натпревар во првенството и ќе влеземе на терен со максимална сериозност. Очекувам добар и коректен натпревар со високо ниво на игра. Ние ќе го дадеме најдоброто од себе за да го постигнеме резултатот што ни е потребен. Се надевам дека ќе биде убав спектакл за навивачите и на крајот да победи фудбалот.”
